اول شي لازم نعرف ان اي شي ودك تحصلين عليه لازم تبذلين عشانه الاسباب ممكن بامور بسيطه يحصل اللي تبين بس لازم يكون لك دور واضح عشان تحصلين عليه
سؤال كيف اخلي زوجي يفتح قلبه لي ؟
اولاً سيكلوجية الرجل
شي لازم تكونين عارفه ان شريكك له سيكولوجيه مختلفه تماماً عنك وعن امك او صديقتك او اي احد من جنسك واعني بالسيكولجيه هي تركيبة الرجل وسلوكة وغرائزه …. الخ ومعرفتك بهذا الامر بيسهل عليك امور كثيره عشان ماتكون محاولاتك بانه يفتح قلبه لك في الاتجاه الخطأ زي معرفتك بطريقة تفكيره او ردة فعله تجاه شي معين او حتى كيف دورة حياته تمر وهذي الامور غالباً يشترك فيها كثير من الرجال
ثانياً الراحه
يفترض ان تكوني شخص مريح مع شريكك يعني ابتعدي عن سوء الظن ، الانتقام ، كثرة النقد والتدقيق ، انك تحاصرينه كل وقت واكثر الامور اللي تخليك شخص مريح اهمية هو انك تتصرفين بحسن نية دائماً تفكرين بالناس خير ودائماً افعالك مقصدها خير ومايجي الناس منك الا كل خير
ثالثاً الصدق والثقه
انك تكونين صادقه هذا الشي يجلب الثقه بينكم صادقه في الشعور صادقه في افعالك ومقصدها صادقه حتى في رأيك صادقه في اموركم وخصوصيات بيتكم الصدق له كثير جوانب وبعد كذا يجي تحمل المسؤوليه وفيها نوع من الثقه لانه يقدر يعتمد عليك حتى في اموره الخاصه
رابعاً الصبر
كل شي في الدنيا تسعين له يحتاج صبر ووقت اختلاف البيئه والتربيه وكل الاختلافات بينكم يحتاج لها وقت عشان تنسجم مع بعضها وترتاحون قبل كذا بيكون فيه صدام ولو بسيط وزي ماقلنا الحوار والتواصل مهم بهذي المرحله عشان تعدي
